"Kəpəz"in baş məşqçisi: "Son 3 turda məğlub olmamağımız sevindirici haldır"
https://mail.qalaba.az//uploads/photo/kepezin-bash-meshqchisi-son-3-turda-meglub-olmamagimiz-sevindirici-haldir.webp
Sevindirici haldır ki, son 3 turda məğlub olmamışıq.
"Report" xəbər verir ki, bunu "Kəpəz"in baş məşqçisi Azər Bağırov "Şamaxı"ya qarşı Misli Premyer Liqasının XXIII turunun oyunundan sonra baş tutan mətbuat konfransında deyib.
O, heç-heçə başa çatan qarşılaşmanı şərh edib:
"Maraqlı oyun alındı. İki fərqli hissəyə şahidlik etdik. Birinci hissədə daha yaxşı oynadığımızı düşünürəm. İkinci yarıda həm orta xətdə, həm də cinahlarda "dişsizliy"imiz nəzərə çarpırdı. Sevindirici haldır ki, son 3 turda məğlub olmamışıq. Bu, "Kəpəz" adına müsbət haldır".
Qeyd edək ki, XXIII turun görüşündə "Kəpəz" Tovuz şəhər stadionunda "Şamaxı" ilə heç-heçəyə (1:1) razılaşıb.
