"Barselona"nın baş məşqçisi klub tarixində qələbə faizinə görə ikinci pilləyə yüksəlib

Hans-Diter Flik "Barselona" tarixində 10-dan çox oyun keçirmiş baş məşqçilər arasında qalibiyyət faizinə görə ikinci pillədə qərarlaşıb.

"QELEBE.AZ" xəbər verir ki, bu barədə "Opta Sport" məlumat yayıb.

O, buna komandanın La Liqanın XXVII turundan təxirə salınmış matçında "Osasuna"nı məğlub etməsi (3:0) sayəsində nail olub.

Almaniyalı mütəxəssisin Kataloniya təmsilçisində qələbə faizi (44 oyun, 33 qalibiyyət) 75-dir. O, bu göstəricidə Tito Vilanova ilə birlikdə 2-ci sıradadır.

Klub tarixində qələbə faizinə görə ilk pillədə Luis Enrike (76,24 faiz) yer alıb.

Qeyd edək ki, "Barselona" La Liqada 28 turdan sonra 63 xalla liderdir.