Rusiyalı xokkeyçi Aleksandr Oveçkin 895 qolla dünya rekordunu təzələyib

"Vaşinqton Kapitls" komandasının hücumçusu Aleksandr Oveçkin əfsanəvi kanadalı Ueyn Qretskinin rekordunu təzələyib.

APA "TASS"a istinadən xəbər verir ki, bu, Milli Xokkey Liqasının müntəzəm çempionatında "Nyu York Aylanders"ə qarşı keçirilən səfər matçında baş verib.

Rusiyalı hücumçu, ikinci periodda fərqlənib. Bu, Oveçkinin Milli Xokkey Liqasındakı 20 illik karyerasında vurduğu 895-ci qol olub.

Beləliklə, Oveçkin, 1999-cu il martın 29-da eyni "Islanders"ə qarşı oyunda Ueyn Qretskinin təyin etdiyi rekordu təzələyib.

Kanadalı əfsanə 31 il və 14 gün ərzində bu rekordun sahibi olub.