Uels klubunun sabiq baş məşqçisinin oğlu yaşlı qonşusunu yanğından xilas edib

İngiltərənin I Liqasında çıxış edən Uelsin “Reksem” klubunun sabiq baş məşqçisi Din Kitsin oğlu Coel Kits yanan evdən yaşlı qonşusunu xilas edib.

“Report” “Mirror”a istinadən xəbər verir ki, hadisə gecə saatlarında yaşanıb.

17 yaşlı Coel evə qayıdarkən qonşularının evində yanğın baş verdiyini görüb. Qışqırıq səslərini eşitdikdən sonra o, əvvəlcə yanğınsöndürmə briqadasına zəng vurub, daha sonra öz ailəsinin üzvlərini köməyə çağırıb. Nəticədə Kits ailəsi ilə birlikdə yaşlı qonşularını xəsarət almadan yanğından xilas etməyi bacarıb.

Qeyd edək k, Coelin atası Din Kits 2010-2015-ci illərdə “Reksem”də futbolçu kimi çıxış edib. Karyerasını bitirdikdən sonra, 2016-2018 və 2019-2021-ci illərdə komandanın baş məşqçisi olub.