“Sabah”ın U-13 və U-15 komandaları Türkiyədə keçiriləcək beynəlxalq turnirdə iştirak edəcək

“Sabah” klubunun U-13 və U-15 komandaları Türkiyənin Antalya şəhərində keçiriləcək “Junior World Cup” beynəlxalq futbol turnirində iştirak edəcək.

"Report" Bakı təmsilçisinin mətbuat xidmətinə istinadən xəbər verir ki, komandalar bu gün turnirin keçiriləcəyi şəhərə yola düşüb.

"Sabah"ın U-13 komandası “Mançester Siti” (İngiltərə), “Konyaspor” və “Hatay Altın Gençlik” (hər ikisi Türkiyə) ilə eyni qrupda mübarizə aparacaq. U-15 isə İspaniyanın “Rayo Valyekano”, Türkiyənin “Konyaaltı” və “Manisa” komandaları ilə bir qrupda yer alıb.

U-13 ilk oyununu “Mançester Siti”yə, U-15 isə “Rayo Valyekano”ya qarşı keçirəcək.

Matçlar sabah səhər saatlarında baş tutacaq.