"Yuventus" Ukrayna klubunun futbolçusu üçün danışıqlara başlayıb

İtaliyanın "Yuventus" klubu "Şaxtyor"un (Ukrayna) yarımmüdafiəçisi Georgi Sudakovun transferi ilə bağlı danışıqlara başlayıb.

"Report" xəbər verir ki, bu barədə X sosial şəbəkəsində jurnalist Ben Ceykobs bildirib.

Turin klubu "Şaxtyor"a rəsmi təklif göndərib. Futbolçu ilə həmçinin "Napoli" (İtaliya) və "Brentford" (İngiltərə) klubları da maraqlanır.

Qeyd edək ki, "Transfermarkt" portalı Ukrayna millisinin 22 yaşlı oyunçusunun dəyərini 32 milyon avro qiymətləndirir.