"Azərreyl"in voleybolçusu: "Azərbaycan çempionu olmaq gözəl hissdir"

"Azərreyl" klubunun voleybolçusu Sergey Platenenkov Azərbaycan Yüksək Liqasında çempion olmalarına münasibət bildirib.

"QELEBE.AZ" xəbər verir ki, o, mövsümün komanda üçün uğurlu alındığını bildirib.

"Bu dəfə Yüksək Liqa daha çətin keçdi. Dörd komandanın çempion olmaq şansı var idi. Birinci olduğumuz üçün xoşbəxtəm. Çempion olmaq gözəl hissdir", - deyə S.Platenenkov vurğulayıb.

Qeyd edək ki, bu gün Milli Gimnastika Arenasında gerçəkləşən kişilər arasında ikinci final matçında "Murov Az Terminal"a 3:1 (25:20, 25:22, 17:25, 25:17) hesabı ilə qalib gələn "Azərreyl" titula sahib çıxıb. "Dəmiryolçular" ilk final matçında da rəqibini üstələmişdi - 3:0.