Arsen Venger Azərbaycan millisinin qrupunu dəyərləndirib

Fransalı mütəxəssis Arsen Venger Azərbaycan millisinin AVRO-2024-ün seçmə mərhələsində yer aldığı qrupu dəyərləndirib.

“QELEBE.AZ”un məlumatına görə, FIFA-nın qlobal inkişaf şöbəsinin rəhbəri F qrupunda Avstriya yığmasının şanslarını yüksək qiymətləndirib.

Onun fikrincə, adıçəkilən millinin baş məşqçisi Ralf Ranqnik komandanı Avropa çempionatının final mərhələsinə daşıya bilər: “Çox balanslı qrup olacaq. Avstriya yığmasının orada şanslarını yüksək görürəm. Çünki bu komanda getdikcə güclənir. Baş məşqçiləri Ralf Ranqnik də uzaqgörən insandır. O, Avstriya yığmasını Avropa çempionatına aparmaq yolunda ən doğru məşqçidir. Məncə, hədəfləri də bu olacaq”.

Qeyd edək ki, Azərbaycan millisi AVRO-2024-ün seçmə mərhələsində ilk oyununu 2023-cü il martın 24-də səfərdə Avstriya seçməsinə qarşı keçirəcək. Belçika, İsveç və Estoniya da bu qrupda mübarizə aparacaqlar.