Premyer Liqada çıxış edən futbolçu "Real"a keçə bilmək üçün başqa klubdan gələn təklifi geri çevririb

İngiltərə Premyer Liqası təmsilçisi "Bornmut"un müdafiəçisi Din Hoysen İspaniyanın "Real" klubuna keçə bilmək üçün başqa komandadan gələn təklifi geri çevririb.

"Report" "Marca" nəşrinə istinadən xəbər verir ki, İngiltərənin "Çelsi" kollektivi 20 yaşlı oyunçunu sıralarına qatmaqda maraqlı olsa da, Hoysen razı qalmayıb.

İspaniya millisinin üzvü "Kral klubu"ndan gələn təklifə isti baxır.

Qeyd edək ki, Din Hoysenin "Bornmut"la olan müqavilə müddəti 2030-ci ilin yayında başa çatacaq. O, cari mövsüm 34 oyunda 3 qol vurub.