Azərbaycan velosipedçisi: "Bayrağımızı beynəlxalq arenalarda bundan sonra da dalğalandırmağa çalışacağam"

Azərbaycanın trek velosipedi üzrə millisinin üzvü Məryəm Hüseynova Qazaxıtanın Açıq çempionatında çıxışını dəyərləndirib.

İdmançı “QELEBE.AZ”a açıqlamasında ilk dəfə beynəlxalq turnirdə iştirak etdiyini söyləyib.

O, yarışın həm çətin, həm də maraqlı keçdiyini bildirb:

“İlk dəfə beynəlxalq yarışda iştirak etdim. Qazaxıstandakı çempionatda ümumi hesabda üçüncü yeri tutdum. Yarış mənim üçün həm çətin, həm də maraqlı keçdi. Bir çox səhvlərimi dərk etdim və gələcəkdə onların üzərində mütləq işləməliyəm. Səbirsizliklə təlim-məşq toplanışlarını və yarışları gözləyəcəyəm. Bayrağımızı beynəlxalq arenalarda bundan sonra da dalğalandırmağa çalışacağam”.

Qeyd edək ki, M.Hüseynova 2009-2010-cu il təvəllüdlü qızlar arasında omnium yarışlarında 3 hərəkətin cəmində 38 iştirakçı arasında ümumi təsnifatda 3-cü olub. İdmançı daha əvvəl bu yarışda 200 metr məsafəyə sprint üzrə də bürünc medal əldə etmişdi.