PSJ Çempionlar Liqasında rekord məbləğdə gəlir əldə edib

UEFA Çempionlar Liqasının finalında "İnter"ə (İtaliya) qalib gələn PSJ (Fransa) rekord məbləğdə mükafat əldə edib.

"Report" “Football Meets Data” nəşrinə istinadən xəbər verir ki, paytaxt təmsilçisi qitənin ən nüfuzlu klub turnirinin qalibi olduğuna görə 10,5 milyon, finalda qələbə qazandığı üçün 6,5 milyon, UEFA Superkubokuna vəsiqə əldə etdiyi üçün isə büdcəsinə 4 milyon avro yazdırıb.

Paris klubunun mövsüm ərzində ümumi qazancı 148,4 milyon avro olub. Bu isə UEFA-nın pul mükafatları tarixində rekord göstəricidir.

Qeyd edək ki, PSJ ötən gün finalda "İnter"ə 5:0 hesabı ilə qalib gələrək tarixində ilk dəfə UEFA Çempionlar Liqasının qalibi olub.