Azərbaycanın voleybol millisi Gürcüstandakı təlim-məşq toplanışını başa vurub
https://mail.qalaba.az//uploads/photo/azerbaycanin-voleybol-millisi-gurcustandaki-telim-meshq-toplanishini-basha-vurub.webp
Gümüş Avropa Liqasına hazırlığı davam etdirən kişi voleybolçulardan ibarət Azərbaycan millisi Gürcüstandakı təlim-məşq toplanışını başa vuraraq Vətənə qayıdıb.
"Report" xəbər verir ki, yığma Tbilisidə yerli komanda ilə iki yoxlama oyunu keçirib.
Milli bu qarşılaşmalarda Gürcüstanı 3:0 və 3:2 hesabları ilə məğlub edib.
Qeyd edək ki, Azərbaycan yarışda ilk turun oyunlarını 6-8 iyun tarixlərində İsveçdə keçirəcək. Fərid Cəlalovun rəhbərlik etdiyi kollektivin rəqibləri ev sahibi ilə yanaşı, Gürcüstan yığması olacaq.
