Fərid Qayıbov UFC gecəsində döyüşəcək Azərbaycan idmançıları ilə görüşüb
https://mail.qalaba.az//uploads/photo/ferid-qayibov-ufc-gecesinde-doyushecek-azerbaycan-idmanchilari-ile-gorushub.webp
Gənclər və idman naziri Fərid Qayıbov Bakıda keçiriləcək UFC gecəsində döyüşəcək Azərbaycan idmançıları – Rafael Fiziyev, Nazim Sadıxov və Tofiq Musayevi qəbul edib.
"Report" xəbər verir ki, nazir iyunun 21-də keçiriləcək döyüşlərdə idmançılarımıza uğurlar arzulayıb.
İdmançılar isə öz növbəsində yarışlara hazırlıqları barədə məlumat veriblər.
Qeyd edək ki, iyunun 21-də Azərbaycanda ilk dəfə UFC döyüş gecəsi keçiriləcək. Bütün dünyanın diqqət mərkəzində olacaq tədbirdə ölkəmizi 3 idmançı - Rafael Fiziyev, Nazim Sadıxov və Tofiq Musayev təmsil edəcəklər. Bu həm də Tofiqin UFC-də debütü olacaq.
