Danışılmış oyunlarda iştiraka görə dörd tennisçi cəzalandırılıb
https://mail.qalaba.az//uploads/photo/danishilmish-oyunlarda-ishtiraka-gore-dord-tennischi-cezalandirilib.webp
Beynəlxalq Tennis Dürüstlük Təşkilatı (ITIA) danışılmış oyunlarda iştiraka görə dörd tennisçini diskvalifikasiya edib.
“Report” xəbər verir ki, bu barədə ITIA-nın rəsmi saytı məlumat yayıb.
Tailanddan olan 25 yaşlı Natthasit Kunsuvana 12 illik cəzalanıb. O, 2022-ci ildən 2024-cü ilə qədər 39 danışılmış oyunda iştirakını etiraf edib.
25 yaşlı fransalı Ceymi Floyd Anxel pul müqabilində sabit matç təşkil etdiyinə, istintaqla əməkdaşlıqdan imtina etdiyinə və qanun pozuntusuna dair sübutları məhv etdiyinə görə 5 il 3 ay cəza alıb.
Braziliya əsilli 33 yaşlı isveçli Kristian Lindell 4 danışılmış oyunda iştirak edib. İstintaq həmçinin tennisçinin Belçikada danışılmış oyunlar sindikatı ilə əlaqəsini sübuta yetirib. O, 7 illik cəzalanıb.
33 yaşlı fransalı keçmiş tennisçi Samuel Bensussan 1 il 11 ay diskvalifikasiya olunub. Onun sindikatla əlaqəsi və dörd danışılmış oyunda iştirakı sübuta yetirilib.
