“Yunayted”in hücumçusu “Milan”ın radarında

“Mançester Yunayted”in hücumçusu Rasmus Hoylund karyerasını İtaliyada davam etdirə bilər.

QELEBE.AZ xəbər verir ki, “Milan” 22 yaşlı futbolçunu transfer etmək niyyətindədir.

Bu barədə “Calciomercato” nəşri məlumat yayıb.

A Seriyası təmsilçisi danimarkalı hücumçunu icarəyə götürmək istəyir.

Qeyd edək ki, Hoylund 2023-cü ilin yayından “Mançester Yunayted”də çıxış edir. O, ötən mövsüm "qırmızı şeytanlar"ın heyətində çıxış etdiyi 52 rəsmi matçda 10 qol və 4 assistlə yadda qalıb.