"Sabah"ın yarımmüdafiəçisi Özbəkistan millisinə dəvət alıb

“Sabah”ın yarımmüdafiəçisi Umarali Raxmonaliyev Özbəkistanın U-23 millisinə dəvət alıb.

Apasport.az xəbər verir ki, bu barədə klubun mətbuat xidməti məlumat yayıb.

22 yaşlı futbolçunun adı Özbəkistan millisinin U-23 Asiya Kubokunun seçmə mərhələsi çərçivəsində keçiriləcək Qırğızıstan, Şri-Lanka və Fələstin yığmaları ilə matçlar üçün açıqlanmış heyətə daxil edilib.