“Yuventus” Spalletti ilə müqaviləni uzatmaq istəyir

"Yuventus" rəhbərliyi baş məşqçi Luçano Spallettinin fəaliyyətindən razıdır.

66 yaşlı mütəxəssis 2025-ci ilin oktyabr ayının sonlarında Turin klubunda mövsümün sonuna qədər müqavilə imzalayaraq işə başlayıb.

Apasport.az xəbər verir ki, “qoca sinyora”nın rəhbərləri komandanın son dövrlərdə göstərdiyi irəliləyişdən məmnundurlar.

Yaxın həftələrdə məşqçiyə 2028-ci ilin ortalarına qədər nəzərdə tutulan yeni müqavilə təklif ediləcək.