Belçika klubu "Qarabağ"la oyundan əvvəl hücumçu transfer edib
https://mail.qalaba.az//uploads/photo/belchika-klubu-qarabagla-oyundan-evvel-hucumchu-transfer-edib.webp
"Qarabağ"ın UEFA Konfrans Liqasının pley-off mərhələsində rəqibi olan Belçikanın "Gent" klubu növbəti transferini açıqlayıb.
"Report"un məlumatına görə, nigeriyalı futbolçu Emmanuel Urban heyətə cəlb olunub.
21 yaşlı hücumçu ilə uzunmüddətli müqavilə imzalanıb. Emmanuel Urban son olaraq Norveçdə "Stabek"in formasını geyinib. O, ötən mövsüm 24 oyunda 19 qol vurub.
Qeyd edək ki, “Qarabağ”la “Gent” arasında ilk oyun fevralın 16-da Bakıda, cavab qarşılaşması isə 23-də Gentdə baş tutacaq.
