Kurban Berdıyev: "Məşqlərdə çalışdıqlarımızı edə bilmədik"

Misli Premyer Liqasının XX turunun "Şamaxı" - "Turan Tovuz" matçından (0:0) sonra qonaqların baş məşqçisi Kurban Berdıyevin mətbuat konfransı keçirilib.

QELEBE.AZ xəbər verir ki, mütəxəssis oyunla bağlı fikirlərini bölüşüb:

"Mənə elə gəlir ki, heç-heçə ədalətli nəticədir. Hər iki komanda qol epizodları yarada bilmirdi. Təəssüflər olsun ki, əvəzetmələr də uğurlu alınmadı".

- Qol epizodlarının olmamasının səbəbi nədir?

- "Şamaxı"nın müdafiəsi yaxşı oynadı. İstənilən halda daha çox qol epizodu yaratmalı idik. Məşqlərdə çalışdıqlarımızı edə bilmədik. Təhlillər aparacağıq.

- Yeni transferiniz Mark Rene Mampassi oynamağa hazırdır?

- Uzun müddətdir ki, məşq etməyib. Ümid edirik ki, bizə fayda verəcək.