Bakıdakı oyunda zədələnən "Gent"in futbolçusu cavab matçını buraxacaq
https://mail.qalaba.az//uploads/photo/bakidaki-oyunda-zedelenen-gentin-futbolchusu-cavab-matchini-buraxacaq.webp
"Gent"in futbolçusu Alessio Kastro-Montes Belçikada "Qarabağ"a qarşı keçirəcəkləri UEFA Konfrans Liqasının pley-off mərhələsinin cavab matçını buraxacaq.
"Report" yerli mətbuata istinadən xəbər verir ki, buna 26 yaşlı yarımmüdafiəçinin Bakıdakı ilk qarşılaşmada zədələnməsi səbəb olub.
Topuğundan xəsarət alan belçikalı oyunçunun ikinci görüşədək sıraya dönəcəyi gözlənilmir. 60-cı dəqiqədə Kastro-Montesin yerinə meydana Endryü Hülsager daxil olub.
Qeyd edək ki, "Qarabağ" rəqibini 1:0 hesabı ilə məğlub edib. Cavab qarşılaşması fevralın 23-də gerçəkləşəcək.
