Azərbaycan boksçularının “Strandja” turnirində ilk rəqibləri bəlli olub

Bolqarıstanın paytaxtı Sofiyada kişi və qadın boksçular arasında keçiriləcək “Strandja” beynəlxalq turnirinin püşkü atılıb.

Federasiyadan apasport.az saytına verilən məlumata görə, bu gün start götürəcək ənənəvi A kateqoriyalı yarışda Azərbaycan idmançılarının da rəqibləri bəlli olub.

Təmsilçilərimizdən ilk gündə Günel Rəhimova, Anaxanım İsmayılova, Məhsəti Həmzəyeva və Şəhla Allahverdiyeva rinqə çıxacaq.

“Strandja” turnirində 40-a qədər ölkədən 398 boksçu (256 kişi, 142 qadın) mübarizə aparacaq. Yarışın qaliblərinin adına fevralın 26-da aydınlıq gələcək.

Bolqarıstan, “Strandja” turniri
1/8 final
20 fevral
Günel Rəhimova (48 kq) – Qloria Dameyda (Fransa)
Anaxanım İsmayılova (50 kq) – Laura Fernandes (İspaniya)
Məhsəti Həmzəyeva (57 kq) – Vinakşi (Hindistan)
Şəhla Allahverdiyeva (66 kq) – Çarli Kavana (Kanada)

1/16 final
21 fevral
Malik Həsənov (63,5 kq) – Şpetim Bayoku (Kosovo)

1/8 final
22 fevral
Məhəmməd Abdullayev (+92 kq) – Yordan Morehon (Bolqarıstan)
Zeynəb Rəhimova (54 kq) – Yuliya Koroli (Moldova)

1/2 final
25 fevral
Aynur Rzayeva (+81 kq) – Monika (Hindistan)