Qurban Qurbanov: “Oyuna hazır deyildik”

Qurban Qurbanov: “Oyuna hazır deyildik”

“Həm heyət, həm də sərəncamımızda olan futbolçuların hazırlığı baxımından bu oyuna hazır deyildik”.

Bunu “Report”a açıqlamasında “Qarabağ”ın baş məşqçisi Qurban Qurbanov UEFA Konfrans Liqasının pley-off mərhələsində səfərdə Belçika klubu “Gent”ə 0:1 hesabı ilə məğlub olduqları oyunla bağlı danışarkən deyib.

51 yaşlı mütəxəssis səfərə mərhələ adlamaq üçün yollandıqlarını bildirsə də, rəqibin bəzi komponentlərdə onları üstələdiyini etiraf edib: “Futbolçular qələbə qazanmaq üçün meydanda hər şeyi etdilər. Təəssüf ki, penaltilər seriyası ilə məğlub olduq. Buna baxmayaraq, oyunçularımdan razı qaldım. Belə oyunlar futbolçuların gələcəyi üçün ancaq faydalıdır. Bu görüş bir daha göstərdi ki, belə böyük turnirlərdə 90 yox, 120 dəqiqə hazır olmaq lazımdır. Avrokubok təcrübəmiz xeyli yaxşılaşıb. Əvvəllər bir hissə oynayırdıq, sonra 60-70 dəqiqəyə gücümüz çatırdı. “Gent”lə matçda isə futbolçuların 120 dəqiqə mübarizə aparmağa gücləri çatdı. Rəqibdən çəkinmədən oynadılar. Doğrudur, matçın gedişində bəzi komponentlərdə “Gent” bizi üstələyirdi. İnanıram ki, bu oyun gələcəkdəki avrokubok görüşləri üçün faydalı olacaq”.

Təcrübəli məşqçi oyunsonrası penaltilər seriyasındakı yenilgiyə görə futbolçuların çox məyus olduqlarını vurğulayıb: “Oyundan sonra paltardəyişmə otağında uzun müddət özlərinə gələ bilmədilər. Hamısı azarkeşlərimizi, xalqımızı sevindirmək istəyirdi. Bu, alınmasa da, maraqlı oyun oldu”.

Q.Qurbanov bəzi oyunçuların formadan uzaq olduqlarını deyib: “Bizə bir müddət ayaq üstə durmaq lazımdır. Düzdür, bəzi oyunçular formalarını yavaş-yavaş bərpa edirlər. Amma belə böyük matçlara tam hazır deyildilər. Buna görə də, matçın gedişində kimsə 45 dəqiqə, kimsə bundan bir az çox meydanda oldu. Komandada disbalans var idi. Yenə də hər şey yaxşılığa doğru gedirdi. Elə dünən də hadisələrin gedişi biz istəyən kimi idi”.

Mütəxəssis heyətdə itkilərin çoxluğunu xüsusi xatırladıb: “İtkilərimizin sayı çox idi. Belə böyük matçlar öncəsi futbolçuların hamısının sağlam olmaması nəticəyə təsir göstərir. Təkcə Kevin Medina və Marko Yankoviçin xidmətindən məhrum deyildik. Filip Ozobiç 3-4 aydır futbol oynamır. Qara Qarayevin iki gün idi ki qızdırması var idi. Sağ olsun, xəstə halı ilə meydana çıxmağa hazır oldu. Onu, ümumiyyətlə, “23-lüy”ə salmamışdıq. Sonda durumu ilə bağlı özündən məlumat alıb belə qərar qəbul etdik”.

O, yeni transferlərin hələ hazır olmamasının məğlubiyyətə təsir göstərdiyini gizlətməyib: “Bu, kiçik səbəblərdən biridir. Uyğunlaşmalarında problem yoxdur. Sadəcə, hazırlıqları istənilən səviyyədə deyil. 7-8 ay idi ki, futbol oynamırdılar. Yaxşı formada olsaydılar, oyunumuzu daha da asanlaşdırardılar”.

Qeyd edək ki, Bakıdakı 1:0 hesablı qələbənin ardından Gentdə eyni hesabla məğlub olan “Qarabağ” oyunsonrası penaltilər seriyasında daha zəif çıxış edərək (3:5) avrokuboklarda mübarizəni dayandırıb.

Futbol
"Neftçi"nin sabiq prezidenti Serbiya millisinin oyununa təyinat alıb

"Neftçi"nin sabiq prezidenti Serbiya millisinin oyununa təyinat alıb

Futbol
Çempionlar Liqasının üçqat qalibi vəfat edib

Çempionlar Liqasının üçqat qalibi vəfat edib

Futbol
Afrikalı futbolçu "Mançester Yunayted"i ayrı-seçkilikdə ittiham edib

Afrikalı futbolçu "Mançester Yunayted"i ayrı-seçkilikdə ittiham edib

Futbol
“Qarabağ” ikinci dəfə avrokubokların pley-offuna vəsiqəni təmin edib

“Qarabağ” ikinci dəfə avrokubokların pley-offuna vəsiqəni təmin edib

Futbol
"Qalatasaray" futbolçusunu ərəb klubuna icarəyə verib

"Qalatasaray" futbolçusunu ərəb klubuna icarəyə verib

Futbol
"Sumqayıt" Araz Abdullayevlə müqaviləni ləğv edib

"Sumqayıt" Araz Abdullayevlə müqaviləni ləğv edib

Futbol
"Qarabağ"ın kapitanı "İdman ustası" fəxri adına layiq görülüb

"Qarabağ"ın kapitanı "İdman ustası" fəxri adına layiq görülüb

Futbol
Çilili baş məşqçi Braziliya millisinə rəhbərlik edə bilər

Çilili baş məşqçi Braziliya millisinə rəhbərlik edə bilər

Futbol
"Mançester Yunayted" Ronaldunun müqaviləsinin ləğvi üçün işlərə start verib

"Mançester Yunayted" Ronaldunun müqaviləsinin ləğvi üçün işlərə start verib

Futbol
"Qarabağ"ın rəqibi ulduz futbolçunu təqdim edib

"Qarabağ"ın rəqibi ulduz futbolçunu təqdim edib

Futbol
Lionel Messi dünya çempionatlarının rekordunu təkrarlayıb

Lionel Messi dünya çempionatlarının rekordunu təkrarlayıb

Futbol
Azərbaycan yığmasına 18 oyunçu çağırılıb

Azərbaycan yığmasına 18 oyunçu çağırılıb