Azərbaycanın qadın voleybol millisi AVRO-2023-ə vəsiqəni qələbə ilə təmin edib

Qadın voleybolçulardan ibarət Azərbaycan milli komandası 2023-cü il Avropa çempionatının seçmə qrup mərhələsində sonuncu oyununu qələbə ilə başa vurub.

"Report"un xəbərinə görə, yığma komanda Avstriya ilə 4-cü setdə də qələbə qazanıb – 25:15.

Beləliklə, Azərbaycan millisi Avstriyaya 3:1 qalib gəlib.

Qeyd edək ki, Azərbaycan millisi ardıcıl 10-cu dəfə Avropa çempionatının finalına vəsiqə qazanıb.

Qadın voleybolçulardan ibarət Azərbaycan milli komandası 2023-cü il Avropa çempionatının seçmə qrup mərhələsində sonuncu oyununu keçirir.

"Report"un məlumatına görə, həlledici qarşılaşmada rəqib Avstriya yığmasıdır. Eldar Yusubovun baş məşqçi olduğu kollektiv 3 setdən sonra hesabda öndədir - 2:1 (25:14, 25:20, 23:25)

Hazırda 9 xalı olan yığma bu görüşdə 2:3 hesabı ilə uduzsa belə, xalını 10-a çatdıracaq və qrupu 2-ci sırada tamamlayacaq. Bu isə o deməkdir ki, milli komanda artıq final mərhələsinə vəsiqəni təmin edib.

Qeyd edək ki, Avropa çempionatı Belçika, İtaliya, Estoniya və Almaniyanın birgə ev sahibliyi ilə təşkil olunacaq.