Almaniya millisinin futbolçusu üçün mövsüm bitib

Almaniya millisinin futbolçusu Yulian Draksler üçün 2022/2023 mövsümü vaxtından tez bitib.

“Report” xəbər verir ki, buna səbəb Fransanın PSJ klubunun yarımmüdafiəçisinin zədələnməsidir.

Portuqaliya təmsilçisi “Benfika”da icarə əsasında çıxış edən 29 yaşlı ulduz futbolçu topuğundan əməliyyat olunub. Həkimlər Drakslerin cari mövsüm heç bir oyuna çıxa bilməyəcəyini açıqlayıblar. O, bərpa dönəmini Portuqaliya klubunun düşərgəsində keçirəcək.

Qeyd edək ki, Yulian Draksler “Benfika”nın heyətində bu mövsüm bütün turnirlərdə 18 oyun keçirib, 2 qol vurub. Onun PSJ ilə müqavilə müddəti 2024-cü ilin yayına qədərdir.