Polşadakı beynəlxalq turnirə qatılacaq Azərbaycan gimnastları bəlli olub

Bu gün Polşanın Krakov şəhərində start götürəcək batut gimnastikası və tamblinq üzə 10-cu Vavel beynəlxalq turnirinə qatılacaq Azərbaycan idmançıları bəlli olub.

Federasiyadan "Report"a verilən məlumata görə, yarışda ölkəni milli komandanın 10 üzvü təmsil edəcək.

Tamblinq növündə Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Fərhad Mustafayev, batut gimnastikasında isə Ammar Baxşaliyev, İbrahim Mustafazadə, Əli Niftəliyev və Nicat Mirzəyev qüvvəsini sınayacaq.

Qeyd edək ki, turnirə aprelin 4-də yekun vurulacaq.