Afrikalı hücumçu Azərbaycan Premyer Liqasında son 8 mövsümün rekorduna imza atıb
https://mail.qalaba.az//uploads/photo/afrikali-hucumchu-azerbaycan-premyer-liqasinda-son-8-movsumun-rekorduna-imza-atib.webp
"Turan Tovuz"un futbolçusu Runi Eva Azərbaycan Premyer Liqasında son 8 mövsümün rekorduna imza atıb.
"Report" Peşəkar Futbol Liqasının rəsmi saytına istinadən xəbər verir ki, kamerunlu hücumçu 2015-ci ildən sonra bir çempionatda ən çox qol vuran afrikalı legioner olub.
27 yaşlı forvard cari mövsümdə 12-ci dəfə fərqlənib. O, XXIX turda "Şamaxı" ilə ev qarşılaşmasında rəqib qapısına yol tapıb.
Afrika təmsilçilərinin daha çox qol vurması sonuncu dəfə 2014/2015 mövsümündə yaşanıb. Həmin vaxt AZAL-da çıxış edən konqolu Freddi Mombonqo 13 dəfə rəqib qapısına yol tapıb.
Sonrakı 8 ilin rekordu isə İbrahima Vadjiyə məxsus idi. "Qarabağ"ın seneqallısı ötən çempionatda 11 dəfə fərqlənib.
