Qurban Qurbanov: "Qələbə qazansaq da, danışmaq asan deyil"
https://mail.qalaba.az//uploads/photo/qurban-qurbanov-qelebe-qazansaq-da-danishmaq-asan-deyil.webp
"Qələbə qazansaq da, mənim üçün danışmaq asan deyil".
"Report"un məlumatına görə, bunu "Qarabağ"ın baş məşqçisi Qurban Qurbanov Bakıda Fransanın "Nant" komandasına 3:0 hesabı ilə qalib gəldikləri UEFA Avropa Liqasının qrup mərhələsinin II tur oyununda deyib.
50 yaşlı mütəxəssis ölkədəki vəziyyətlə bağlı futbolçularda həyəcan olduğunu bildirib: "Matçın məsuliyyətini dərk edirdik. İlk hissədə həyəcan hiss olundu. Allah şəhidlərimizə rəhmət etsin. Ağır gündür. Allah Ordumuzu qorusun. Ürəyimiz oradadır. Qalibiyyət haqqında çox şey demək istəmirəm. Sırf bu gün qələbə qazandığımız üçün sevinirəm. Xalqımız bunu bizdən gözləyirdi. Rəqibə uğurlar arzulayıram və futbolçularımı təbrik edirəm".
