"Mançester Yunayted" əsas qapıçısına yeni müqavilə təklif edəcək

İngiltərə "Mançester Yunayted"i qapıçısı David De Xeaya yeni müqavilə təklif edəcək.

"QELEBE.AZ" ESPN-ə istinadən xəbər verir ki, "qırmızı şeytanlar" ispaniyalı qolkiperi komandada saxlamaq istəyir. Lakin 33 yaşlı çərçivə qoruyucusunun start heyətində yeri təmin edilməyəcək.

İddiaya görə, Mançester təmsilçisi cari mövsümün sonunda heyətini yeni qapıçı ilə gücləndirmək niyyətindədir. Transfer ediləcək oyunçu əsas qolkiper, De Xea isə onun əvəzləyicisi olacaq.

Qeyd edək ki, David De Xeanın "Mançester Yunayted"lə hazırkı müqaviləsinin müddəti cari mövsümün sonunda başa çatacaq.