Azərbaycanın üçqat paralimpiya çempionu Almaniyada növbəti medalı qazanıb

Azərbaycan para-üzgüçüsü Roman Saley Almaniyanın paytaxtı Berlində keçirilən dünya seriyasının təsnifat mərhələsində üçüncü medalı qazanıb.

Milli Paralimpiya Komitəsindən "QELEBE.AZ"a verilən məlumata görə, o, 100 metr məsafəyə arxasıüstə üsulu ilə üzmədə 57.83 saniyə nəticə göstərərək fəxri kürsünün ikinci pilləsinə qalxıb.

Üçqat paralimpiya çempionu daha əvvəl 200 metr məsafəyə sərbəst üzmədə qızıl, 100 metr məsafəyə "butterfly" üsulu ilə üzmədə isə gümüş medal əldə edib.