Bundesliqada mövsümün rəmzi komandası açıqlanıb
https://mail.qalaba.az//uploads/photo/bundesliqada-movsumun-remzi-komandasi-achiqlanib.webp
Almaniya Bundesliqasında cari mövsümün rəmzi komandası açıqlanıb.
"QELEBE.AZ"un çempionatın rəsmi saytına istinadən məlumatına görə, səsvermədə azarkeşlər, klub nümayəndələri və futbol mütəxəssisləri iştirak ediblər.
Mövsümün ən yaxşı "11-liy"ində Dortmund "Borussiya"sından 4, "Bavariya"dan isə 3 futbolçu yer alıb.
Qapıçı: Qreqor Kobel ("Borussiya" Dortmund)
Müdafiəçilər: Jeremi Frimponq ("Bayer"), Matteys de Lixt, Alfonso Deyvis (hər ikisi "Bavariya"), Niko Şlotterbek ("Borussiya" Dortmund)
Yarımmüdafiəçilər: Yulian Brandt, Cud Bellingem (hər ikisi "Borussiya" Dortmund), Camal Musiala ("Bavariya")
Hücumçular: Mussa Diabi ("Bayer"), Randal Kolo Muani ("Ayntraxt").
Qeyd edək ki, Bundesliqada mövsümün başa çatmasına 3 tur qalıb. Turnir cədvəlinə 65 xalla "Bavariya" başçılıq edir. Liderdən 1 xal az toplayan Dortmund "Borussiya"sı isə ikincidir.
