"Konyaspor"un icraçı direktoru: "Baş məşqçi Mahirin qalmağını istəsə, sürpriz olmayacaq"
https://mail.qalaba.az//uploads/photo/konyasporun-icrachi-direktoru-bash-meshqchi-mahirin-qalmagini-istese-surpriz-olmayacaq.webp
"Baş məşqçi Aleksandar Stanoyeviç Mahirin komandada qalmasını istəsə, bizim üçün sürpriz olmayacaq".
Bunu "Report"a eksklüziv açıqlamasında "Konyaspor"un icraçı direktoru Mustafa Göksu Azərbaycan millisinin futbolçusu Mahir Emrelinin Türkiyə klubundakı gələcəyi barədə danışarkən deyib.
O bildirib ki, 26 yaşlı hücumçunun taleyinə məşqçilər heyətinin rəhbərliyə təqdim edəcəyi hesabatdan sonra aydınlıq gələcək: "Hələlik yekun qərar qəbul edilməyib. Mahirin adı klubun transfer siyahısında idi. Stanoyeviç bəzi xətlərin gücləndirilməli olduğunu düşünür. Amma yeni mövsüm üçün hələlik öz hesabatını təqdim etməyib".
Qeyd edək ki, Mahir Emreli müqavilə ilə Xorvatiyanın "Dinamo" (Zaqreb) klubuna məxsusdur. Onun "Konyaspor"la icarə sözləşməsi cari mövsümün sonunda başa çatacaq.
