“Neftçi”nin futbolçusu Gürcüstan yığmasına dəvət olunub

“Neftçi”nin futbolçusu Solomon Kverkveliya Gürcüstan milli komandasına dəvət olunub.

Apasport.az saytının məlumatına görə, bunu Bakı klubunun mətbuat xidməti açıqlayıb.

31 yaşlı müdafiəçi AVRO-2024-ün seçmə mərhələsinin matçlarına çağırılıb. Gürcüstan millisi iyunun 17-də Kipr, 20-də isə Şotlandiya ilə qarşılaşacaq. Solomonun komandası hər iki görüşü səfərdə keçirəcək.

Qeyd edək ki, Kverkveliya Gürcüstan milli komandasının heyətində 48 oyunda meydana çıxıb.