Azərbaycanın daha iki qılıncoynadanı Polşada keçirilən III Avropa Oyunlarında mübarizəni dayandırıb.
“Report”un məlumatına görə, Murad Əkbərov və Saleh Məmmədov sablya növündə pley-off mərhələsində məğlub olublar.
Murad Əkbərov ispaniyalı İnyaki Bravoya 9:15, Saleh Məmmədov isə Polşa idmançısı Pyotr Şçepanikə 5:15 hesabı ilə uduzub.
Qeyd edək ki, digər sablyaçılar Maqsud Hüseynli ilə Ayxan Xasıyev mübarizəni qrup mərhələsində dayandırıblar.
Azərbaycanın iki qılıncoynadanı Polşada keçirilən III Avropa Oyunlarında pley-off mərhələsinə yüksəlib.
“Report”un məlumatına görə, Murad Əkbərov və Saleh Məmmədov sablya növündə qrup mərhələsini uğurla başa vurublar.
Həm M.Əkbərov, həm də S.Məmmədov qrupda 2 qələbə qazanaraq, növbəti raunda yüksəliblər. Onlardan fərqli olaraq, Maqsud Hüseynli ilə Ayxan Xasıyev mübarizəni erkən dayandırıblar.
Murad Əkbərov pley-offda ispaniyalı İnyaki Bravo ilə üz-üzə gələcək. Saleh Məmmədovun bu mərhələdəki rəqibi isə Polşa idmançısı Pyotr Şçepanik olacaq. Hər iki sablyaçı Bakı vaxtı ilə saat 16:40-da mübarizə aparacaq.
