Türkiyənin Bolu bölgəsində təlim-məşq toplanışında olan "Qəbələ" klubu ilk yoxlama oyununu keçirəcək.
"QELEBE.AZ"un məlumatına görə, Elmar Baxşıyevin baş məşqçi olduğu komanda Moldova təmsilçisi “Sukleya” ilə üz-üzə gələcək.
“Termal otel”in məşq bazasında baş tutacaq qarşılaşma Bakı vaxtı ilə saat 17:00-da start götürəcək.
Qeyd edək ki, "qırmızı-qaralar" qonşu ölkədə daha iki görüş keçirəcək. "Qəbələ" UEFA Konfrans Liqasının II təsnifat mərhələsində Kiprin "Omoniya" kollektivi ilə üz-üzə gələcək.