Avropa Voleybol Konfederasiyasının (CEV) prezidenti Aleksandr Boriçiç, vitse-prezidenti Renato Arena, Türkiyə Voleybol Federasiyasının prezidenti Akif Üstündağ, Bolqarıstan Voleybol Federasiyasının prezidenti Lyubomir Qanev Bakıya səfər edəcəklər.
Azərbaycan Voleybol Federasiyasından "QELEBE.AZ"a verilən məlumata görə, funksionerlər noyabrın 5-də paytaxta gələcəklər.
Qonaqlar noyabrın 6-da baş tutacaq Azərbaycan çempionatının açılış mərasiminə qatılacaqlar və Yüksək Liqanın ilk qarşılaşmasını izləyəcəklər.
Səfər zamanı bir neçə vacib görüşün keçirilməsi də nəzərdə tutulub.
