İngiltərə Premyer Liqasının 32-ci turunda "Mançester Yunayted" "Nyukasl"la matçda ağır məğlubiyyətlə üzləşib - 1:4.
Apasport.az "Squawka" nəşrinə istinadla xəbər verir ki, "Nyukasl" 94 ildə ilk dəfə bir liqada "Mançester Yunayted"ə qarşı hər iki oyunda qalib gəlib.
Xatırladaq ki, dekabrın 30-da “Old Trafford”da keçirilən ilk matçda Eddi Hounun komandası 2:0 hesabı ilə qalib gəlmişdi.
Qeyd edək ki, "Nyukasl" 56 xalla turnir cədvəlinin 4-cü pilləsində qərarlaşıb. 38 xalı olan "Yunayted" isə 14-cü sıradadır.