“Neftçi” klubu cərimələnib.
Apasport.az xəbər verir ki, qərarı AFFA İntizam Komitəsi çıxarıb.
Cəzalar Misli Premyer Liqasının XXVIII turunda keçirilən “Zirə” – “Neftçi” oyununda baş verən hadisələrlə bağlı tətbiq olunub.
Baş məşqçi Yuri Vernidub və məşqçi Dmitro Kara Mustafa hakimin qərarına etiraz etdiklərinə görə qırmızı vərəqə alaraq 1 oyunluq cəzalanıblar. Bu səbəbdən klub ümumilikdə 10 min manat cərimə edilib.
Komandanın futbolçusu Breno Almeyda da qırmızı vərəqə aldığı üçün 1 oyun buraxacaq, klub isə əlavə 3000 manat cərimələnib.
Bundan başqa, azarkeşlərin davranışına görə “Neftçi” daha 12 500 manat cərimə olunub.
Qeyd edək ki, oyun 1:1 hesabı ilə başa çatıb.