Misli Premyer Liqasının VIII turu tamaşaçı sayına görə mövsümün rekordunu müəyyənləşdirib.
QELEBE.AZ xəbər verir ki, turun altı qarşılaşmasını ümumilikdə 30 800 azarkeş stadiondan izləyib.
Ən çox tamaşaçı “Kəpəz” – “Zirə” və “Qarabağ” – “Neftçi” oyunlarında qeydə alınıb. Gəncədə keçirilən və 1:1 hesabı ilə başa çatan görüşü 13 800, Ağdam və paytaxt təmsilçilərinin 3:3 hesablı heç-heçə etdiyi qarşılaşmanı isə 13 500 azarkeş izləyib. Tur üzrə orta göstərici 5 133 nəfər təşkil edib.
Bunadək rekord 24 min 512-yə bərabər idi. Bu göstərici IV turda qeydə alınmışdı.
Turun digər oyunlarında qeydə alınan tamaşaçı sayı belə olub:
- “Şamaxı” – “Şəfa” (3:2) – 1200 nəfər
- “Sumqayıt” – “Araz-Naxçıvan” (2:1) – 1200 nəfər
- “Qəbələ” – “Sabah” (0:4) – 750 nəfər
- “İmişli” – “Turan Tovuz” (1:0) – 350 nəfər