"Formula 1": Qovulan pilotu Daniel Rikkardo əvəzləyib

Avstraliyalı pilot Daniel Rikkardo "Formula 1" üzrə dünya çempionatında çıxış edən "Alfa Tauri" komandasına keçib.

"Report" yarışın rəsmi saytına istinadən xəbər verir ki, o, bir müddət öncə qovulan niderlandlı Nik de Vrisi əvəzləyib.

Rikkardo ilə cari mövsümün sonunadək müqavilə imzalanıb.

"Formula 1" üzrə dünya çempionatında çıxış edən "Alfa Tauri" pilotu Nik de Vris komandadan qovulub.

"Report" xəbər verir ki, bu barədə 28 yaşlı niderlandlı sürücünün ailəsi ilə yaxın münasibətdə olan şərhçi Allard Kalff sosial şəbəkədə bildirib.

Qeyd edək ki, Nik de Vris aprelin 30-da Bakıda keçirilmiş Azərbaycan Qran-prisində yarışı sonadək davam etdirə bilməyib.