"Sumqayıt" israilli futbolçunu transfer edib
https://mail.qalaba.az//uploads/photo/sumqayit-israilli-futbolchunu-transfer-edib.webp
2023/2024 mövsümünə hazırlıqları Türkiyənin Ərzurum şəhərində davam etdirən "Sumqayıt" klubu daha bir futbolçu ilə müqavilə imzalayıb.
"Gənclik şəhəri" təmsilçisindən "QELEBE.AZ"a verilən məlumatına görə, komanda israilli yarımmüdafiəçi Roi Kahatı heyətinə cəlb edib.
Klubun düşərgəsinə qatılan oyunçu ilə 2 illik sözləşmə bağlanılıb.
Qeyd edək ki, Roi Kahat karyerası ərzində ölkəsinin "Makkabi Təl-Əviv", "Hapoel Bir Şeva", "Makkabi Yavne", "Makkabi Hayfa", "Makkabi Netanya", həmçinin Avstriyanın "Avstriya" (Vyana) klublarında forma geyinib. 31 yaşlı futbolçunun son komandası "İroni Kiryat Şmona" olub.
