“Mingəçevir” məşqləri bərpa etdi – EKSKLÜZİV

Futbol üzrə Azərbaycan I Liqasında çıxış edən “Mingəçevir” məşqləri bərpa edib.

"Apasport"un əldə etdiyi məlumata görə, bu gün komandanın məşq prosesi baş tutub.

Maliyyə problemləri səbəbindən son oyununa çıxmayan Mingəçevir təmsilçisi hazırlıqlarını davam etdirməyə başlayıb.

Komandanın növbəti görüşdə iştirakı da böyük ölçüdə həll olunub.

Qeyd edək ki, “Mingəçevir”in son qarşılaşmaya çıxmamasına səbəb futbolçuların maaşlarının gecikdirilməsi olub.