“Zirə”nin Türkiyə klubu ilə oyununun vaxtı dəqiqləşib

Türkiyənin Bolu şəhərində təlim-məşq toplanışında olan “Zirə”nin yerli komanda “Fatih Karagümrük”lə yoxlama görüşünün vaxtı dəqiqləşib.

Klubdan “QELEBE.AZ”a verilən məlumata görə, Bakı təmsilçisi qardaş ölkədəki ilk sınağına iyulun 21-də çıxacaq.

“Fenerbahçe Topuk Yaylası”nın meydançasında təşkil olunacaq qarşılaşma Bakı vaxtı ilə saat 18:00-da start götürəcək.

Qeyd edək ki, “Zirə” Türkiyə toplanışı zamanı ötən mövsüm Super Liqanı tərk edən “Qaziantep”lə də yoxlama görüşü keçirəcək.