Azərbaycan millisinin baş məşqçisi: “Daha yaxşı nəticə göstərə bilərdik”

Azərbaycan millisinin baş məşqçisi: “Daha yaxşı nəticə göstərə bilərdik”

“Düşünürəm ki, seçmə mərhələdə daha yaxşı nəticə göstərə bilərdik. Növbəti turnirlərdə uğurlu çıxışa ümid edirik”.

Bunu “Report”a açıqlamasında 17 yaşadək qızlardan ibarət Azərbaycan millisinin baş məşqçisi Nərgiz Qurbanova AVRO-2024-ün seçmə mərhələsindəki çıxışlarını dəyərləndirərkən deyib.

Mütəxəssis Lüksemburqa 0:1 hesabı ilə məğlub olduqları ilk görüşü daha yaxşı keçirdiklərini düşünür: “Meydanda 90 dəqiqə “vuruşduq”. Sadəcə, 75-ci dəqiqədə ani səhvdən qol buraxdıq. Bizim də şanslarımız çox oldu, təəssüf ki, dəyərləndirə bilmədik. Səfərə yollanmamışdan bir həftə əvvəl aparıcı futbolçularımızdan biri zədələndiyi üçün heyətdən çıxarıldı. Fikrimcə, bu itki də çıxışımıza təsir göstərdi. Əks təqdirdə, Lüksemburqa qalib gələ bilərdik”.

Baş məşqçi ikinci matçda Xorvatiyaya 0:8 hesablı yenilgini rəqibin güclü olması ilə əlaqələndirib: “Təəssüf ki, qrupun favoriti Xorvatiyaya böyük hesabla uduzduq. Onlar çox güclü idilər, bizdən əvvəl Maltanı da 8:0 hesabı ilə məğlub etmişdilər”.

N.Qurbanova III turda Maltaya 1:4 hesablı məğlubiyyətin səbəbini isə fərdi səhvlərdə görür: “Son tur ərəfəsində Malta ilə Lüksemburqun hərəsinin 3 xalı var idi. Bu üzdən müdafiədən çox, hücumameyilli futbol oynadıq. Hətta hesabı da erkən qolla biz açdıq. İkinci qolu vurmaq şansımız da oldu, amma yararlana bilmədik. Adi vəziyyətlərdən, qapıçının səhvindən qollar buraxdıq”.

U-17-nin çalışdırıcısı oyunçuların hələ təcrübəsiz olduqlarını vurğulayıb: “Millilərin tərkibi 2007-2008-ci il təvəllüdlü futbolçulardan qurulmuşdu. Pandemiya dönəmində 2007-ci il təvəllüdlü qızlar çox az idi. Seçmə mərhələyə apardıqlarımızın əksəriyyəti 2008-ci il təvəllüdlü idi. Bu da oyunumuza mənfi təsir göstərdi. Bu, qızlar üçün yaxşı təcrübə oldu, səhvlərdən nəticə çıxardıq. Nəzərə alaq ki, onlar üçün ilk seçmə mərhələ oyunları idi”.

Qeyd edək ki, B Liqasının III qrupunda Xorvatiya 9 xalla birinci, Malta 6 xalla ikinci, Lüksemburq 3 xalla üçüncü yeri tutub. Qrupu son pillədə tamamlayan Azərbaycan millisi hesabına xal yazdıra bilməyib.

Futbol
Qurban Qurbanov: "Oyunda yaxşı sürət və dinamika gördüm"

Qurban Qurbanov: "Oyunda yaxşı sürət və dinamika gördüm"

Futbol
"Olimpiakos" "Qarabağ"la oyundan öncə yeni qapıçı transfer edib

"Olimpiakos" "Qarabağ"la oyundan öncə yeni qapıçı transfer edib

Futbol
Çempionlar Liqası: "İnter" "Viktoriya"ya, "Sportinq" "Tottenhem"ə qalib gəlib

Çempionlar Liqası: "İnter" "Viktoriya"ya, "Sportinq" "Tottenhem"ə qalib gəlib

Futbol
Avropa Kuboku: Azərbaycan komandaları ilk məğlubiyyətini alıb

Avropa Kuboku: Azərbaycan komandaları ilk məğlubiyyətini alıb

Futbol
Almaniyalı futbolçu: “Dostlarım dedi ki, Azərbaycana köçsəm, karyeramı bitirəcəyəm"

Almaniyalı futbolçu: “Dostlarım dedi ki, Azərbaycana köçsəm, karyeramı bitirəcəyəm"

Futbol
“Real Madrid” Dueyn Consona onun adı olan forma hədiyyə edib

“Real Madrid” Dueyn Consona onun adı olan forma hədiyyə edib

Futbol
Ukrayna yığması İrəvanda Ermənistanı darmadağın edib

Ukrayna yığması İrəvanda Ermənistanı darmadağın edib

Futbol
Qətər 12 il ərzində dünya çempionatına 300 milyard dollar xərcləyib

Qətər 12 il ərzində dünya çempionatına 300 milyard dollar xərcləyib

Futbol
"Qarabağ"ın legioneri: "Ölkə üçün çətin dönəmdir"

"Qarabağ"ın legioneri: "Ölkə üçün çətin dönəmdir"

Futbol
DÇ-2022: Uels - İran oyununda ilk hissə başa çatıb

DÇ-2022: Uels - İran oyununda ilk hissə başa çatıb

Futbol
"Sabah"ın futbolçusu Ukrayna yığmasına dəvət alıb

"Sabah"ın futbolçusu Ukrayna yığmasına dəvət alıb

Futbol
Qurban Qurbanov: "Sayılmayan qol epizodunda əsəbləşdim"

Qurban Qurbanov: "Sayılmayan qol epizodunda əsəbləşdim"