İngiltərə Premyer Liqası: “Mançester Yunayted” autsayderlə matçdan qalib ayrılıb

İngiltərə Premyer Liqasının doqquzuncu turunda çempionatın autsayderi “Şeffild Yunayted” öz meydanında “Mançester Yunayted”i qəbul edib.

“QELEBE.AZ” xəbər verir ki, Şeffild Arenada baş tutan matç “qırmızı şeytanlar”ın minimal hesablı qələbəsi ilə başa çatıb.

Matçda vurulan üç qoldan ikisi birinci hissəyə təsadüf edib. Oyunun 28-ci dəqiqəsində “Mançester Yunayted”in mərkəz yarımmüdafiəçisi Skott Maktominey Brunu Fernandeşin ötürməsini qola çevirib. Lakin qonaqların sevinci çox sürməyib: cəmi altı dəqiqə sonra ev sahibləri penaltidən fərqlənən Oliver Mak Börninin sayəsində hesabı bərabərləşdiriblər. Oyunda növbəti və sonuncu qol isə 77-ci dəqiqədə vurulub: “mankunianlar”ın müdafiəçisi Dioqu Dalo komandasını qələbə qoluna imza atıb. Beləliklə, “Mançester Yunayted” turnirin autsayderi “Şeffild Yunayted”i 2:1 hesabı ilə məğlub edib.

Qeyd edək ki, “Mançester Yunayted”in aktivində 15 xal var. Erik ten Haqın yetirmələri 9 oyundan sonra turnir cədvəlində 8-ci pillədə qərarlaşıblar. “Şeffild Yunayted”in isə 9 oyundan sonra cəmi 1 xalı var.

Xatırladaq ki, bu gün Mersisayd və London derbiləri baş tutub. Eyni zamanda, “Mançester Siti” öz meydanında çətin qələbə qazanıb.