Azərbaycanla oyun ərəfəsində Belçika yığması daha bir itki ilə üzləşib
https://mail.qalaba.az//uploads/photo/azerbaycanla-oyun-erefesinde-belchika-yigmasi-daha-bir-itki-ile-uzleshib.webp
AVRO-2024-ün seçmə mərhələsində Azərbaycan millisi ilə qarışlaşacaq Belçika yığması daha bir itki ilə üzləşib.
“Report”un yerli mətbuata istinadən məlumatına görə, yarımmüdafiəçi Amadu Onanadan sonra qapıçı Arnaud Bodartın da tsiklin son matçını buraxacağı dəqiqləşib.
Həftəboyu düşərgədə olmasına baxmayaraq, səhhətində problem yaşayan 25 yaşlı qolkiper heyətdən kənarlaşdırılıb. Daha əvvəl isə əsas qapıçı Tibo Kurtua zədə ucbatından milliyə çağırılmamışdı.
Qeyd edək ki, noyabrın 19-da Brüsseldə keçiriləcək Belçika - Azərbaycan oyunu Bakı vaxtı ilə saat 21:00-da başlayacaq.
