Klopp: “Yunayted”in 7:0 hesabı ilə yenilməsi “Liverpul”u favorit etmir

“Liverpul”un baş məşqçisi Yurgen Klopp ötənmövsümkü 7:0-lıq qələbənin “qəribə və həyatda bir dəfə olduğunu” vurğulayaraq “Mançester Yunayted”in tənqid edənlərin yanıldığını bildirib.

“QELEBE.AZ” “The Athletic”ə istinadən xəbər verir ki, bu barədə almaniyalı mütəxəssis komandasının İngiltərə Premyer Liqasının 17-ci turunda “Mançester Yunayted”ə qarşı oyun ərəfəsində deyib.

“Qırmızı şeytanlar”ın “Enfild”dəki biabırçı məğlubiyyətindən söz açan baş məşqçi bunun indi meydan sahiblərinə kömək etməyəcəyini söyləyib:

“O gün bilirdik ki, 7:0 hesabı həyatda bir dəfə olan qəribə bir nəticədir. Əgər bu kiməsə növbəti oyunda yardımçı olacaqsa, bu da bu hesabla qalib yox, məğlub komanda üçün olacaq”.

“Mançester Yunayted”in probleminin nədən ibarət olduğunu dəqiq bilmək üçün oyunlarını “yetərincə diqqətlə izləmədəyini” deyən Klopp bununla belə Erik ten Haqın ayın ən yaxşı baş məşqçisi seçildiyini xatırladıb: “Onların yaxşı formada olduğunu görürəm, o zaman bütün bunlar necə yanlış ola bilər? Bunu anlaya bilmirəm”.

“Yunayted”in biz oynamazdan öncə böyük olmaması ilə bağlı “Okey, bu onların öhdəsindən gələ biləcəyi oyundur” kimi başlıqların yazılmasını heç vaxt sevməmişəm”, – o vurğulayıb.

Qeyd edək ki, dekabrın 17-də İngiltərə Premyer Liqasının vahid lideri “Liverpul” “Enfild”də ondan on xal geri qalan “Mançester Yunayted”i qəbul edəcək. Çempionatın favoriti olan “Liverpul” indəyədək 19 dəfə bu turnirin qalibi olub. Cari mövsümü birinci pillədə bitirəcəyi təqdirdə çempionluq sayına görə mankunianlara çatmış olacaq.