"Qarabağ"ın baş məşqçisi: "Bu günü yox, sabahı da düşünürük"

"Qarabağ"ın baş məşqçisi: "Bu günü yox, sabahı da düşünürük"

"Bizə faydalı olan oyunçulara "yox" demirik. Bu günü yox, sabahı da düşünürük. Yalnız bu günü düşünmək uğursuz olar".

"Report" xəbər verir ki, bunu "Qarabağ"ın baş məşqçisi Qurban Qurbanov jurnalistlərə açıqlamasında qış transfer dönəmində heyətə yeni oyunçuların cəlb olunmaq perspektivi ilə bağlı danışarkən deyib.

51 yaşlı mütəxəssis hər "transfer pəncərəsi"ndə hansısa dəyişiklik etmək istədiyini bildirib: "Sırf Avropa Liqasının pley-off mərhələsinə görə bu addımı atsaq, yanlış olar. Daim komandanın hansısa mövqeyində dəyişiklik lazımdırsa, bunu etməyə çalışırıq".

"Komanda.az" saytı tərəfindən ilin ən yaxşı məşqçisi seçilən Qurbanov onu bu ada layiq görənlərə təşəkkür edib: "Təbii ki, həyəcan var idi. Çox sevindim. Hər insanın zəhmətinə dəyər veriləndə əhvali-ruhiyyəsi yaxşılaşır. Bu işdə daim olmağı və uğurlu nəticələr əldə etməyi çox istəyirəm. Çünki hər klub uğur qazanmaq üçün yaradılır. Bu komandada diqqətsiz və məsuliyyətsiz olmaq mümkün deyil. Mütləq məsuliyyətimiz daha da artmalıdır. İstər-istəməz qarşıdakı illərdə rəqabət çoxalacaq. Klublarımızın sayı və sponsorlar da artacaq. Qarşıdakı illərdə mən bu klubda olacağamsa, rəhbərliklə birlikdə bu komandanı yaxşı səviyyədə saxlamağa çalışacağıq. Bu adın dəyəri bizim üçün çox böyükdür".

Təcrübəli baş məşqçi avrokuboklarda mərhələ adlamağın onlara və ölkə futboluna təcrübə qazandırdığını söyləyib: "Bizdən daha böyük uğur gözlənilir, beləliklə, iş saatımız çoxalır. Çünki get-gedə təcrübəli və güclü rəqiblərlə üz-üzə gəlirik. Klub, rəhbərlik və futbolçuların iş saatları artmalıdır. Çalışacağıq ki, bunları düşünərək addım ataq və iş prinsiplərimizi daha da yaxşılaşdıraq".

Qurbanov qarşıdakı illərdə digər mütəxəssislərin ilin ən yaxşı baş məşqçisi adına layiq görüləcəyini deyib: "Digər məşqçilərin hər birinə bu adın verilməsini çox istəyirdim. Gecə-gündüz üzərilərində çalışan mütəxəssislər var. Daim çalışırlar, təcrübə toplayırlar, elmlərini, savadlarını artırırlar. Onlara bəzən qibtə edirəm. Tanıdıqlarım öz işlərini, peşələrini sevirlər. Heç nəyə fikir vermədən Azərbaycan futbolu üçün bacarıqlı, yaxşı şəxsiyyət olmaq istəyirlər. Onların hamısına bu adın verilməsini istəyirəm. İnanıram ki, olacaq. "Sabah"ın baş məşqçisi Murad Musayev və yerli mütəxəssislərimizin hamısı öz üzərilərində çox çalışırlar. Rəşad Sadıqov, Ayxan Abbasov, Samir Abasov, Elmar Baxşıyev və digərləri öz üzərilərində çox çalışırlar. İnanıram və əminəm ki, onlar da bu ada sahib çıxacaqlar".

Futbol
"Araz Naxçıvan" 5 oyunçusu ilə vidalaşıb

"Araz Naxçıvan" 5 oyunçusu ilə vidalaşıb

Futbol
"Qarabağ"ın rəqibi "Qalatasaray"ın hücumçusunu birfədəlik transfer edir

"Qarabağ"ın rəqibi "Qalatasaray"ın hücumçusunu birfədəlik transfer edir

Futbol
“Turan Tovuz”a qalib gələn komanda bütün futbolçularını satır

“Turan Tovuz”a qalib gələn komanda bütün futbolçularını satır

Futbol
“Səbail” rəsmisi: “Kerjakovla heç vaxt danışıq aparmamışıq”

“Səbail” rəsmisi: “Kerjakovla heç vaxt danışıq aparmamışıq”

Futbol
"Fənərbağça" və "Nant"dan çətin qələbə, "Trabzonspor" "Ferentsvaroş"a uduzub

"Fənərbağça" və "Nant"dan çətin qələbə, "Trabzonspor" "Ferentsvaroş"a uduzub

Futbol
"Kəpəz" "Neftçi" ilə oyunda anlamlı jest edib

"Kəpəz" "Neftçi" ilə oyunda anlamlı jest edib

Futbol
Çempionlar Liqasında həftənin ən yaxşı qolu müəyyənləşib

Çempionlar Liqasında həftənin ən yaxşı qolu müəyyənləşib

Futbol
Millətlər Liqası: Bu gün Ukrayna millisi Şotlandiya ilə qarşılaşacaq

Millətlər Liqası: Bu gün Ukrayna millisi Şotlandiya ilə qarşılaşacaq

Futbol
Azərbaycan futbolunun inkişafı ilə bağlı 4 təklif irəli sürülüb

Azərbaycan futbolunun inkişafı ilə bağlı 4 təklif irəli sürülüb

Futbol
"Nant"ın qapıçısı: "Qarabağ"la oyunda harada səhv etdiyimizi bilirik"

"Nant"ın qapıçısı: "Qarabağ"la oyunda harada səhv etdiyimizi bilirik"

Futbol
Azərbaycan millisinin hücumçusunun burnu sınıb: "Maska ilə oynamaq çətindir"

Azərbaycan millisinin hücumçusunun burnu sınıb: "Maska ilə oynamaq çətindir"

Futbol
"Real Madrid" İspaniya kubokunun 1/8 finalına yüksəlib

"Real Madrid" İspaniya kubokunun 1/8 finalına yüksəlib