Azərbaycanın cüdo yığmasının dünya çempionatındakı medal sıralamasında mövqeyi bəlli olub
https://mail.qalaba.az//uploads/photo/azerbaycanin-cudo-yigmasinin-dunya-chempionatindaki-medal-siralamasinda-movqeyi-belli-olub.webp
Cüdo üzrə Azərbaycan millisinin Özbəkistanın paytaxtı Daşkənddə keçirilən dünya çempionatında medal sıralamasındakı mövqeyi bəlli olub.
"QELEBE.AZ"un məlumatına görə, fərdi mübarizəni 2 bürünc medalla başa vuran yığma yekunda 17-ci yeri tutub.
Mundialda 12 medal (5 qızıl, 4 gümüş, 3 bürünc) qazanan Yaponiya komanda hesabında çempion olub. 2 qızıl, 1 gümüş və 1 bürünc medal əldə edən Braziliya 2-ci yerlə kifayətlənib. İlk "3-lüy"ü 2 qızıl medalla təşkilatçı ölkə tamamlayıb.
Qeyd edək ki, Azərbaycan cüdoçularından Hidayət Heydərov (73 kq) və Zelim Kotsoyev (100 kq) bürünc medal qazanıb. Dünya çempionatına oktyabrın 13-də qarışıq komanda yarışı ilə yekun vurulacaq.
