Lionel Messi MLS-in ilk turunda oynaya biləcək

ABŞ-ın “İnter Mayami” klubunun ulduz futbolçusu Lionel Messi MLS-in ilk turunda oynaya biləcək.

“Report” xəbər verir ki, bunu komandanın baş məşqçisi Xerardo Martino açıqlayıb.

Argentinalı mütəxəssis bildirib ki, həmyerlisi qasıq nayihəsindəki zədəsini tam sağaldıb. 36 yaşlı kapitan Florida ştatı komandasının açılış turunda “Real Salt Leyk”lə görüşdə məşqçilər korpusunun sərəncamında olacaq. Qarşılaşma fevralın 22-də oynanılacaq.

Qeyd edək ki, Lionel Messi 2023-cü ilin yayından “İnter Mayami”nin formasını geyinir.