Azərbaycan millisi mundialların seçmə mərhələ oyunlarına toplaşan tamaşaçı sayında 35-ci yerdədir
https://mail.qalaba.az//uploads/photo/azerbaycan-millisi-mundiallarin-sechme-merhele-oyunlarina-toplashan-tamashachi-sayinda-35-ci-yerdedir.webp
Beynəlxalq Futbol Tarixi və Statistikaları Federasiyası (IFFHS) dünya çempionatlarının Avropa zonası üzrə seçmə mərhələlərindəki orta tamaşaçı sayını açıqlayıb.
“QELEBE.AZ”un IFFHS-nin saytına istinadən məlumatına görə, Azərbaycan millisi 57 komanda arasında 35-ci yeri tutub.
Komandamızın buna qədər keçirdiyi 66 ev və səfər qarşılaşmasına ümumilikdə 1 milyon 80 min 817 tamaşaçı toplaşıb. Orta hesabla hər görüşə 16376 azarkeş düşür.
Siyahıya İngiltərə millisi başçılıq edir. Adalıların mundialların seçmə mərhələlərində 122 oyununu ümumilikdə 6 milyon 323 min 926 nəfər izləyib. Bu da orta hesabla hər qarşılaşmaya 51835 nəfər edir.
